RBC Royal Bank cu su di 5 edicion di ‘Move pa Bida’ pa recauda fondo pa  Koningin Wilhelmina Fonds y Stichting BOB

RBC Royal Bank cu su di 5 edicion di ‘Move pa Bida’ pa recauda fondo pa Koningin Wilhelmina Fonds y Stichting BOB

Den cuadro di concientisacion tocante cancer

RBC Royal Bank cu su di 5 edicion di ‘Move pa Bida’ pa recauda fondo pa

Koningin Wilhelmina Fonds y Stichting BOB

Oranjestad, 5 di october 2014 – Durante un conferencia di prensa dialuna mainta Sra. Rose-Ann Woorts-Ruiz di RBC Royal Bank Aruba N.V conhuntamente cu Sra. Lilian Prince di Koningin Wilhelmina Fonds y Sr. Idelle Orman di Stichting BOB a elabora riba e di cinco edicion di e evento ‘Move pa Bida Zumba Fundraising event’.

RBC Royal Bank pa varios aña caba ta sostene e lucha contra cancer y ademas di recauda fondo pa medio di evento aki, RBC kier crea concientisacion pa e cuido y prevencion di cancer aki na Aruba.

Sra. Rose-Ann Woorts-Ruiz di RBC a menciona durante e conferencia: “Nos tin hopi fundacion na Aruba cu ta haci tremendo trabou y nos tur sa cu no ta facil pa nan haya suficiente fondo pa nan por maneha e fundacion debidamente. Pesey e biaha aki nos a dicidi pa tur fondo recauda durante e evento aki bay pa Stichting BOB y Koningin Wilhelmina Fonds.”

Sra. Idelle Orman di Stichting BOB a gradici RBC pa nan aporte. Principalmente mirando cu ainda nan falta fondo pa cubri gastonan di e software pa e machin di mammografía. Desde dia 1 di november tur ser femenino aki na Aruba entre e edad di 45 pa 75 aña lo ricibi un invitacion pa bin haci test pa nan pecho cu e machin di mammografia di Stichting BOB.

Di parti Koningin Wilhelmina Fonds Sra. Lilian Prince a indica cu e situacion di e malesa di cancer aki na Aruba ta basta grave. Nan fundacion ta yuda tanto hoben como adulto cu ta pasando den e malesa aki den diferente manera. Por ehemplo cu prothese, transporte, viahe y mucho mas. Pues mas cu claro KWF ta sumamente feliz cu e contribucion di parti RBC.

E evento e aña aki lo tuma luga riba diaranson 21 di october di 7or pa 8 y mey di anochi na Aruba Entertainment Center Dakota. E biaha aki pa e di 5 edicion RBC a escohe e tema di “Local Edition”; un evento di Zumba cu lo consisti di 5 instructornan local y 5 cantantenan local. E instructornan lo ta Rose-Ann Ruiz, Roshen Donata, Denise Krosendijk, Blanche Peters y Haysem Winterdaal y e artisnan local lo ta entre otro Ofo Escudero di NFUSION, Mitchel Almary di Tsunami, Cesar Olarte, Johel El Flow y Janiro Eisden. Tambe DJ 101 lo tey presente pa entrene un y tur cu su bon musica.

Bendemento di ticket lo tuma lugar na RBC Sasaki Branch situa na Italiestraat 36. Esaki lo tuma lugar desde 9 di october te cu 20 di october, di 9or di mainta te cu 4or di atardi. Tambe tur interesado por pasa na Koningin Wilhelmina Fonds of IBISA pa busca nan entrada y t-shirt.

E prijs di entrada ta solamente Afl.15 y esaki ta inclui tambe un t-shirt, bebida y snacks saludable durante e evento y pa solamente Afl.5 florin adicional bo por haya un dri-fit t-shirt.

RBC ta invita henter e pueblo di Aruba pa participa na e tremendo evento aki cu danki na cooperacion di

High Performance, Arubazumba Fitness, Cool F.M.,  Splenda, Goisco, Gatorade y Party Express ta posibel! Bin cu bo grupo di amigonan y famia y bin baila pa un bon causa! Hunto nos ta move pa bida!

 

 

 

 

 

 

 

 

 

 

TRIPADVISOR® TA NOMBRA BUCUTI & TARA BEACH RESORT DEN E TOP 10 DI MIHOR HOTELNAN NA MUNDO Y NO. 1 DEN CARIBE

TRIPADVISOR® TA NOMBRA BUCUTI & TARA BEACH RESORT DEN E TOP 10 DI MIHOR HOTELNAN NA MUNDO Y NO. 1 DEN CARIBE

 Otro logro grandi pa Turismo di Aruba

TRIPADVISOR® TA NOMBRA BUCUTI & TARA BEACH RESORT

DEN E TOP 10 DI MIHOR HOTELNAN NA MUNDO Y NO. 1 DEN CARIBE.

EAGLE BEACH, Aruba – January 21, 2016 – TripAdvisor® a anuncia e ganadornan di e ‘2016 Travelers’ Choice Awards’ identificando e mihor propiedadnan rond di Mundo. Bucuti & Tara Beach Resort a debuta riba e lista aki di e TOP 10 Mihor Hotelnan rond di Mundo. Bucuti tambe ta ripiti su ‘performance’ e aña aki y tin e honor di ta un biaha mas e Hotel No. 1 den Caribe. Adicionalmente na e honor aki, Bucuti ta wordo reconoci como e Hotel No. 3 den e TOP 25 Hotel cu mihor servicio den Caribe.

E ganadornan a wordo basa riba miyones di opinionnan cu a wordo somete den un periodo di 1 aña door di usuarionan mundialmente di TripAdvisor. Awo den su di 14 aña, ‘Travelers’ Choice Awards’ a reconoce mas di 7000 propiedadnan rond di mundo, cu un lista di 97 pais y 8 region. E seyo di calidad di  ganadornan di ‘Travelers’ Choice’ ta encera servicio remarcabel, calidad y e balor cu e propiedad ta ofrece na su clientenan.

“Biaheronan considerando nan siguiente biahe por reserva cu tur siguridad for di e seleccionnan di e ganadornan aki cu ya a encanta miyones di miembronan di e comunidad di TripAdvisor,” segun Barbara Messing, Chief marketing officer di TripAdvisor.

“Na momento cu bo ta forma parti na TripAdvisor su lista prestigioso di TOP 10 Travelers’ Choice Hotels mundialmente y ta wordo nombra No. 1 Hotel di Caribe pa di dos aña consecutivo, ta muestra di e dedicacion remarkabel di Staff completo di professionalnan den Hospitalidad na Bucuti & Tara Beach Resort. Esaki ta sigur un di e mihor aprobacionnan for di nos bishitantenan fiel pa ken nos ta haci tur nos esfuerso pe pa asina nan por tin e mihor experencia vacacional,” tabata palabra di propetario y ambientalista destaca, Sr. Ewald Biemans. “Ta un gran honor pa representa Aruba y Caribe na nivel mundial danki na nos bishitantenan amabel cu a somete nan opinion y reaccion na TripAdvisor.”

E tres premionan aki di ‘TripAdvisor Travelers’ Choice Awards 2016’ ta e ultimo reconocimentonan pa Bucuti. Adicionalmente pa wordo reconoci pa su servicio excelente, e resort ta wordo igualmente reconoci pa su esfuersonan den ramo di Sostenibilidad y ta e resort na Aruba cu e cantidad di Eco-Certificacion mas halto den region. Recientemente, Bucuti a ricibi  LEED® Silver certification, e unico propiedad den Caribe cu ta cumpli cu normanan halto di mihor maneho ambiental.

Bucuti & Tara Beach Resort ta felicita y gradici tur su empleadonan pa nan dedicacion y amor cu nan ta inculca den trabounan diario pa garantisa nos clientenan e mihor servicio y hospitalidad.

About Bucuti & Tara Beach Resort

Named a Top 10 Hotel in the World in 2016 and honored back-to-back in 2015 and 2016 as the No. 1 Hotel in the Caribbean by guest-driven TripAdvisor, Bucuti & Tara Beach Resort is Aruba’s premier adults-only boutique resort. Led by celebrated hotelier and environmentalist, Ewald Biemans, the resort is nestled on the powdery white sands of Eagle Beach, home to protected sea turtles and named one of the “Dream Beaches of the World.” Bucuti offers 104 well-appointed guestrooms, suites and penthouses; sunbeds and shade for every guest; fresh water infinity pool; spa; WiFi; and complimentary iPad with Skype for use during stay. Award-winning, fresh, healthy dining is enjoyed at oceanfront Elements; epicurean-lovers’ Carte Blanche; Tara Lounge; and private beach dining. Reserved exclusively for guests and their friends, the open-air SandBar on the beach offers top-shelf cocktails and live music daily. The resort is TAG Approved® as a gay friendly hotel. Bucuti, a worldwide sustainable tourism leader, holds eco-certifications of LEED Silver, Green Globe, ISO 14001 and Travelife Gold

RBC Royal Bank’s Art Rules Aruba, Master Edition, ta den full swing

RBC Royal Bank’s Art Rules Aruba, Master Edition, ta den full swing

Aruba su programa #1 di Arte, Art Rules Aruba, ta bek pa dos otro siman mas. Despues di a habri riba dia 20 di Juli, 2015, Art Rules Aruba ta “e” plataforma pa hobennan artistico Arubiano, explorando y desaroyando nan talentonan artistico durante e vakantie di zomer.

E tayernan di arte, den 7 Disciplina di arte incluyendo; Skirbimento Creativo, Media Creativo, Baile, Teatro, Musica & Presentacion, DJ y Arte Culinario, ta tumando luga na Wilhelminastraat na e Rietveld Art Academy.

Art Rules Aruba a provee educacion di arte pa mas di 600 mucha desde su cuminsamento na 2010, cu e ayudo di RBC Bank y otro negoshinan local generoso. Art Rules a haci’e posible pa inverti den e desaroyo di nos hubentud y tambe el a motiva y sostene centenares di hoben Arubiano den nan lucha pa excelencia. Art Rules Aruba actualmente tin mas di 50 alumno studiando arte den exterior.

Fundadornan Ira y Ayra Kip ta berdaderamente contento cu nan vision pa un plataforma di Arte Educacional ta sigui crece y nan ta orguyoso di por a ofrece Art Rules Aruba akinan, y pa e ultimo dos añanan tambe riba nos isla ruman di Corsow, unda cu “Art Rules Curaçao” a caba di conclui siman pasa.

E “Edicion Master” di e aña aki a recluta un ekipo di Educadornan Master for di exterior, kendenan a bin Aruba pa duna les na nos studiantenan local, y algun di nan ta famoso den nan respectivo industria, manera e Maestro di Skirbimento Creativo Lemon Andersen, kende ta un ganador di e Emmy Award, y New York Times 2010 escritor, Director, Poeta y Presentador. E ta conoci tambe pa su presentacionnan den e Russell Simmons’ Def Poetry Jam.

Un otro educador bon conoci y altamente experiencia di e aña aki ta Maestro di DJ Young Guru. Conoci como un di e ingenieronan di audio y Productornan di Record mas famoso na mundo, Young Guru ta e ingeniero y DJ #1 di e Rap Mogul Jay Z y Productor di Beyonce. YG ta un experto den sonido y crea musica, cual e ta compartiendo cu su studiantenan riba e isla.

Tambe extendiendo e programa globalmente den e Edicion Master aki ta e practicante di Teatro, Activista y Presentador Sur Africano Thokozani Ndaba. Señorita Ndaba ta un ex-recipiente di e Ford Foundation Fellowship, kende a completa su Masters Degree na e NYU Steinhardt Educational Theatre na New York. Actualmente e ta basa na Johannesburg.

“E programa a selecta e aplicantenan di mas ambicioso y apasiona, kendenan berdaderamente kier a sigui nan educacion y carera den arte, “ segun fundador Ayra Kip, tocante e studiantenan di e aña aki.

Art Rules Aruba ta tumando luga di dia 20 di Juli pa 31 di Juli, cu un show final grandi tumando luga riba diasabra, 1 di augustus. Pa informacion tocante e resto di e ekipo, ultimo informenan, noticia y mas, bishita www.artrules.org facebook.com/artrulesaruba Twitter @artrulesU Instagram@artrulesflicks.
Art Rules lo kier gradici tur di su partnernan participante incluyendo De Palm Tours, Hertz Car Rental, Aruba Timeshare Association, DIGICEL, Aruba Wine & Dine, Marketing Plus NV, E programa di Tikkun Olam di Caribbean Queen., Aruba Marriot Resort & Stellaris Casino, La Cabana Beach Resort & Casino, Paradise Beach Villa’s, Aaron Croes, Swing Masterz y su partnernan di beca Kiwanis of Palm Beach y Curoil, ofreciendo varios beca di Art Rules pa participacion.
E programa di arte culinario a recluta algun di e isla su top chefnan, kendenan ta compartiendo nan tempo balioso y conocemento balioso cu e studiantenan. Chef Miguel Garcia, di Aruba Marriott Resort, ta siñando participantenan tocante e Historia di Arte Culinario; Chef Ervin Husken, di Screaming Eagle Restaurant ta presentando e Principionan y Practicanan di traha Ice Cream, cubriendo tanto ice cream como sorbet; Chef Matt Boland di Divi Resorts ta papiando tocante Principionan di Cushinamento Saludable y yudando e muchanan traha nan platonan comun di tur dia, super saludable! Chef Urvin Croes di Kitchen Table y White Modern Cuisine ta introduciendo Principionan di Cushinamento Vegetariano y Vegan; Chef Stephen Toevs di Ritz Carlton Aruba ta demostrando con pa corta Pisca y Carni y e habilidadnan basico necesario pa traha cu carni y cuminda di lama, mientras cu Chef Dora Wang di Ritz Carlton ta elaborando riba Cushinamento di Pastry y Principionan di Pastry.
Aki por mira algun di e actividadnan cu a tuma luga na e scol e siman aki!

Hotelero y Pionero den Turismo Sostenibel na Aruba, Sr. Ewald Biemans ta ricibi un caya na su nomber

Hotelero y Pionero den Turismo Sostenibel na Aruba, Sr. Ewald Biemans ta ricibi un caya na su nomber

ORANJESTAD | Diamars ultimo, na Bucuti & Tara Beach Resort a tuma luga revelacion di e caya dilanti e hotel cu a wordo nombra na honor di un gran pionero den sector di Turismo y Sostenibilidad, Sr. Ewald Biemans.

Sr. Biemans ta un hotelero renombra cu hopi aña di experencia y cu un trayectoria den e industria di Turismo impacabel. Un persona cu awendia hopi tin solamente respet y elogio p’e, a sa di duna un aporte sumamente importante na Turismo di Aruba y Sostenibilidad, pa decadas caba. Na aña 1972, Sr. Biemans a yega Aruba pa continua su carera den sector hotelero na Talk of the Town Restaurant and Resort y despues a bira gerente y co-propetario di Manchebo Beach Resort. Despues di algun aña, Sr. Biemans a tuma un paso hopi importante y determinante y a construi su propio hotel na Aruba. Na aña 1987 Bucuti Beach Resort a habri porta pa miles di turista cu ta scohe Aruba pa nan destinacion turistico. 17 aña despues, e la expande su hotel cu adicion di 40 suites luhoso cu bista pa lama, y asina a crea Bucuti & Tara Beach Resort.  E hotel ta renombra pa un servico ehemplar y ambiento trankilo cu solamento adultos.

Durante trayectoria di Sr. Ewald Biemans, e la sa di contribui grandemente na e sector di Turismo, pero tambe ta conoci specificamente como un lider den e sector di Sostenibilidad na Aruba.  Bucuti & Tara Beach Resort ta e hotel na Aruba cu mas ta dedica na tur e areanan di Sostenibilidad y asina pa hopi aña consecutivo ta logra gana y retene diferente premionan internacional. Bucuti & Tara Beach Resort ta e unico hotel na Aruba y region cu tin 4 diferente certificacion pa proteccion di medio ambiente: LEED Silver, Green Globe, Travelife Gold y ISO 14001.

Na 2014 Sr. Biemans ta ricibi e premio di Green Hotelier of the Year 2014, den Caribbean Travel Awards. Na 2015 Bucuti & Tara ta ricibi e honor di ta e #1 hotel den Caribe y Green Leader Platinum segun Trip Advisor.

Den compania di staff y personal di Bucuti & Tara conhuntamente cu famia, amistadnan, representantenan di Ministerio di Turismo, AHATA y Aruba Tourism Authority a revela e caya dilanti Bucuti & Tara Beach Resort como Caya Ewald Kurt Biemans. E otorgamento aki a bin como iniciativa di Gobierno di Aruba como muestra di aprecio y elogio pa tur e logronan di Sr. Ewald Biemans pa Aruba. Pa e ocacion special aki, tambe tabata presente 4 señora cu tabata cu Sr. Biemans for di apertura di Bucuti Beach Resort aña 1987 te cu awo. Esaki sigur tabata un sorpresa pa Sr. Biemans cu a keda sumamente contento cu e elogio di a ricibi e caya na su nomber.